Leita í Bíbliuni Víðkað leiting        Leitihjálp Bíblian Nýggja Testamenti Gamla Testamenti Bíbliuhondbókin Dagsins Bíbliutekstur Lestrarætlan Um Bíbliugrunnin Bíblian sum App til iPhone, iPad og Android Bíblian á WAP/fartelefonini ©Upphavsrættindi / Copyright Faroese Bible Society Ljóð-Bíblian: NT á MP3        Nýggja Testamenti        Gamla Testamenti Gamla Testamenti Fyrsta Mósebók Kapittul 5 1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 1 Hetta er ættarbók Ádams. Tann dagin Gud skapti menniskjuna, skapti Hann hana í bílæti Guds. 2 Sum mann og kvinnu skapti Hann tey; Hann signaði tey og gav teimum navnið menniskja, tann dagin tey vórðu skapt. 3 Táið Ádam hevði livað 130 ár, fekk hann son, sum var honum líkur, avbílæti hansara, og hann gav honum navnið Set. 4 Eftir at Ádam hevði fingið Set, livdi hann 800 ár; og hann fekk synir og døtur. 5 Tíðin ið Ádam livdi, lívstíð hansara, varð soleiðis 930 ár; so doyði hann. 6 Táið Set var 105 ár, fekk hann sonin Enos. 7 Eftir at Set hevði fingið Enos, livdi hann 807 ár; og hann fekk synir og døtur. 8 Tíðin ið Set livdi, var soleiðis 912 ár; so doyði hann. 9 Táið Enos var 90 ár, fekk hann sonin Kenan. 10 Eftir at Enos hevði fingið Kenan, livdi hann 815 ár; og hann fekk synir og døtur. 11 Tíðin ið Enos livdi, var soleiðis 905 ár; so doyði hann. 12 Táið Kenan var 70 ár, fekk hann sonin Mahalalel. 13 Eftir at Kenan hevði fingið Mahalalel, livdi hann 840 ár; og hann fekk synir og døtur. 14 Tíðin ið Kenan livdi, var soleiðis 910 ár; so doyði hann. 15 Táið Mahalalel var 65 ár, fekk hann sonin Jered. 16 Eftir at Mahalalel hevði fingið Jered, livdi hann 830 ár; og hann fekk synir og døtur. 17 Tíðin ið Mahalalel livdi, var soleiðis 895 ár; so doyði hann. 18 Táið Jered var 162 ár, fekk hann sonin Enok. 19 Eftir at Jered hevði fingið Enok, livdi hann 800 ár; og hann fekk synir og døtur. 20 Tíðin ið Jered livdi, var soleiðis 962 ár; so doyði hann. 21 Táið Enok var 65 ár, fekk hann sonin Metúsalem. 22 Eftir at Enok hevði fingið Metúsalem, livdi hann við Gudi í 300 ár; og hann fekk synir og døtur. 23 Tíðin ið Enok livdi, var soleiðis 365 ár. 24 - Enok livdi við Gudi; og hann var ikki longur; tí Gud tók hann. 25 Táið Metúsalem var 187 ár, fekk hann sonin Lemek. 26 Eftir at Metúsalem hevði fingið Lemek, livdi hann 782 ár; og hann fekk synir og døtur. 27 Tíðin ið Metúsalem livdi, var soleiðis 969 ár; so doyði hann. 28 Táið Lemek var 182 ár, fekk hann son. 29 Hann gav honum navnið Nóa og segði: "Hesin skal troysta okkum í møðsama arbeiði okkara á jørðini, sum HARRIN hevur bannað." 30 Eftir at Lemek hevði fingið Nóa, livdi hann 595 ár; og hann fekk synir og døtur. 31 Tíðin ið Lemek livdi, var soleiðis 777 ár; so doyði hann. 32 Táið Nóa var 500 ár, fekk hann synirnar Sem, Kam og Jafet.